*जिल्हा सहकारी बँकेच्या निवडणुकीत बिगरशेती संस्था मतदारसंघातून सचिन देसरडा यांचा उमेदवारी अर्ज दाखल*
*आमदार विठ्ठलराव लंघे यांच्यासह महायुतीचे पदाधिकारी व मित्रपरिवाराची उपस्थिती*
नेवासा प्रतिनिधी –
अहिल्यानगर जिल्हा सहकारी बँकेच्या संचालक मंडळाच्या निवडणुकीसाठी बिगरशेती संस्था मतदारसंघातून भाजपाचे जिल्हा उपाध्यक्ष सचिन देसरडा यांनी आज उमेदवारी अर्ज दाखल केला. यावेळी नेवासा विधानसभा मतदारसंघाचे आमदार विठ्ठलराव लंघे, महायुतीचे विविध पदाधिकारी, कार्यकर्ते तसेच देसरडा यांचा मित्रपरिवार मोठ्या संख्येने उपस्थित होता.
अहिल्यानगर जिल्हा सहकारी बँकेच्या संचालक मंडळाच्या निवडणुकीची प्रक्रिया सुरू झाली असून विविध मतदारसंघांतून इच्छुक उमेदवारांकडून उमेदवारी अर्ज दाखल केले जात आहेत. त्याच पार्श्वभूमीवर बिगरशेती संस्था मतदारसंघातून सचिन देसरडा यांनी समर्थकांच्या उपस्थितीत आपला उमेदवारी अर्ज दाखल केला.
यावेळी आमदार विठ्ठलराव लंघे यांच्यासह महायुतीच्या पदाधिकारी व कार्यकर्त्यांनी देसरडा यांना शुभेच्छा दिल्या. सहकार क्षेत्राशी संबंधित या निवडणुकीकडे जिल्ह्यातील राजकीय व सहकारी क्षेत्राचे लक्ष लागले असून, उमेदवारी अर्ज दाखल करताना महायुतीच्या पदाधिकारी व कार्यकर्त्यांची उपस्थिती लक्षवेधी ठरली.
उमेदवारी अर्ज दाखल करताना महायुतीचे पदाधिकारी, भाजपाचे कार्यकर्ते, सहकार क्षेत्रातील प्रतिनिधी तसेच मित्रपरिवार उपस्थित होता.
