*खडका जिल्हा परिषद प्राथमिक शाळेचा शिष्यवृत्ती परीक्षेत उल्लेखनीय यश*
इयत्ता चौथी शिष्यवृत्ती परीक्षेत विद्यार्थ्यांची दमदार कामगिरी; परिसरातून अभिनंदनाचा वर्षाव*
*खडका जिल्हा परिषद प्राथमिक शाळेचा शिष्यवृत्ती परीक्षेत उल्लेखनीय यश*
इयत्ता चौथी शिष्यवृत्ती परीक्षेत विद्यार्थ्यांची दमदार कामगिरी; परिसरातून अभिनंदनाचा वर्षाव*
नेवासा (प्रतिनिधी) :
जिल्हा परिषद प्राथमिक शाळा, खडका येथील विद्यार्थ्यांनी इयत्ता चौथी शिष्यवृत्ती परीक्षेत घवघवीत यश संपादन करत शाळेच्या शैक्षणिक गुणवत्तेचा ठसा पुन्हा एकदा उमटविला आहे. विद्यार्थ्यांच्या उज्ज्वल कामगिरीमुळे गावासह संपूर्ण परिसरात आनंदाचे वातावरण निर्माण झाले असून शाळेवर अभिनंदनाचा वर्षाव होत आहे.
या परीक्षेत अंजली ज्ञानेश्वर माळी व आलिया सलीम शेख यांनी प्रत्येकी २३८ गुण मिळवत संयुक्तपणे प्रथम क्रमांक पटकावला. अमृता किरण बर्डे हिने १९८ गुणांसह तृतीय क्रमांक मिळविला. तसेच कृष्णा गणेश भांगे व आदित्य किशोर माळी यांनी प्रत्येकी १९२ गुण, आलिया अस्लम शेख हिने १८६ गुण, अक्षदा स्वसाहेब आताब हिने १८० गुण, कृष्णा हरिभाऊ थोरात याने १७८ गुण, रुद्र गणेश मंडलिक याने १७० गुण, तर श्रेयस मालती कोतकर याने १२८ गुण मिळवत उल्लेखनीय यश संपादन केले.
या यशामागे विद्यार्थ्यांची अथक मेहनत, शिक्षकांचे सातत्यपूर्ण मार्गदर्शन आणि पालकांचे मोलाचे सहकार्य असल्याची भावना व्यक्त करण्यात आली. शिष्यवृत्ती परीक्षेतील या यशामुळे जिल्हा परिषद प्राथमिक शाळा, खडका येथील गुणवत्तापूर्ण शिक्षणाची परंपरा अधिक बळकट झाल्याचे अधोरेखित झाले आहे.
या विद्यार्थ्यांना वर्गशिक्षिका अश्विनी कांबळे यांचे मोलाचे मार्गदर्शन लाभले. तसेच मुख्याध्यापक श्री. जऱ्हाड, मार्गदर्शक श्री. अनिल गुंजाळ, श्री. शशिकांत मोरे, सौ. वैशाली गवळी आणि सौ. नलिनी काकडे यांनी विद्यार्थ्यांना सातत्याने प्रोत्साहन व शैक्षणिक मार्गदर्शन केले.
विद्यार्थ्यांच्या या उल्लेखनीय यशाबद्दल सर्व यशस्वी विद्यार्थी, त्यांचे पालक, मुख्याध्यापक, शिक्षकवृंद व शाळा व्यवस्थापनाचे विविध सामाजिक, शैक्षणिक आणि प्रशासकीय स्तरांतून अभिनंदन होत असून, विद्यार्थ्यांच्या उज्ज्वल भविष्यासाठी शुभेच्छांचा वर्षाव केला जात आहे. “मेहनत, शिस्त आणि योग्य मार्गदर्शन यांच्या बळावर यश निश्चित मिळते,” हे खडका शाळेच्या विद्यार्थ्यांनी आपल्या उत्कृष्ट कामगिरीतून पुन्हा एकदा सिद्ध करून दाखवले आहे.
