*अहिल्यानगर जिल्हा सहकारी बँक निवडणुकीच्या हालचालींना वेग; प्रतिनिधी ठराव सादर करण्याची प्रक्रिया सुरू*
*अहिल्यानगर जिल्हा सहकारी बँक निवडणुकीच्या हालचालींना वेग; प्रतिनिधी ठराव सादर करण्याची प्रक्रिया सुरू*
अहिल्यानगर | प्रतिनिधी : महाराष्ट्र 7न्यूज वृत्तसेवा
अहिल्यानगर जिल्हा मध्यवर्ती सहकारी बँकेच्या आगामी संचालक मंडळ निवडणुकीच्या पार्श्वभूमीवर जिल्ह्यातील सहकार व राजकीय वर्तुळात हालचालींना वेग आला आहे. निवडणूक प्रक्रियेतील महत्त्वाचा टप्पा असलेल्या सभासद संस्थांच्या प्रतिनिधींचे ठराव सादर करण्याची प्रक्रिया सुरू झाली असून १६ जुलै ही त्यासाठी अंतिम मुदत निश्चित करण्यात आली आहे.
प्रतिनिधी ठरावांची प्रक्रिया पूर्ण झाल्यानंतर निवडणुकीचा अधिकृत कार्यक्रम जाहीर होण्याची अपेक्षा आहे. जिल्ह्यातील विविध सहकारी संस्था, सेवा संस्था आणि राजकीय गटांनी निवडणुकीच्या तयारीला सुरुवात केली असून इच्छुक उमेदवारांकडूनही संपर्क आणि मोर्चेबांधणी सुरू झाली आहे.
विद्यमान संचालक मंडळाची मुदत संपल्यानंतर बँकेचा कारभार प्रशासकीय मंडळामार्फत सुरू असून नव्या संचालक मंडळाच्या निवडीकडे संपूर्ण जिल्ह्याचे लक्ष लागले आहे. जिल्ह्यातील सहकार क्षेत्रासाठी ही निवडणूक अत्यंत महत्त्वाची मानली जात असून प्रमुख राजकीय गटांमध्ये प्रतिष्ठेची लढत होण्याची शक्यता व्यक्त केली जात आहे.
निवडणुकीचा अंतिम कार्यक्रम जाहीर झाल्यानंतर उमेदवारी अर्ज, छाननी, माघार आणि मतदानाची प्रक्रिया पार पडणार असून येत्या काही दिवसांत या निवडणुकीच्या राजकीय घडामोडींना अधिक वेग येण्याची चिन्हे आहेत.
