*शाळांमध्ये ‘स्ट्रॉबेरी क्विक’ ड्रगचा व्हायरल इशारा; पालकांनी जागरूक राहण्याचे आवाहन*
*शाळांमध्ये ‘स्ट्रॉबेरी क्विक’ ड्रगचा व्हायरल इशारा; पालकांनी जागरूक राहण्याचे आवाहन*
अहिल्यानगर, प्रतिनिधी -: महाराष्ट्र 7न्यूज वृत्तसेवा
सोशल मीडियावर सध्या “स्ट्रॉबेरी क्विक” नावाच्या कथित ड्रगबाबत एक संदेश मोठ्या प्रमाणावर व्हायरल होत आहे. या संदेशानुसार, स्ट्रॉबेरी फ्लेवर असलेले आणि कँडीसारखे दिसणारे ड्रग शाळकरी मुलांना दिले जात असल्याचा दावा करण्यात आला आहे.
व्हायरल संदेशात या पदार्थाला “क्रिस्टल मेथ”चा प्रकार असल्याचे सांगण्यात येत असून तो स्ट्रॉबेरी, चेरी, चॉकलेट, कोला, द्राक्ष आणि संत्रा अशा विविध फ्लेवर्समध्ये उपलब्ध असल्याचे नमूद करण्यात आले आहे. तसेच मुलांनी तो कँडी समजून खाल्ल्यास गंभीर आरोग्यविषयक परिणाम होऊ शकतात, असा इशाराही देण्यात आला आहे.
तथापि, या दाव्यांबाबत अधिकृत यंत्रणांकडून कोणतीही पुष्टी झालेली नसल्याचे समोर आले आहे. त्यामुळे नागरिकांनी अशा संदेशांवर आंधळा विश्वास न ठेवता जागरूक राहणे आवश्यक आहे.
पालकांसाठी महत्त्वाच्या सूचना
मुलांना अनोळखी व्यक्तीकडून कोणतीही खाद्यपदार्थ किंवा कँडी स्वीकारू नये, असे समजावून सांगा.
संशयास्पद वस्तू आढळल्यास त्वरित शिक्षक, मुख्याध्यापक किंवा पोलिसांना माहिती द्या.
सोशल मीडियावरील कोणतीही माहिती पडताळणीशिवाय पुढे पाठवू नका.
मुलांशी ड्रग्सच्या धोक्यांबाबत नियमित संवाद साधा.
सुरक्षितता आणि जागरूकता हेच मुलांच्या संरक्षणाचे सर्वात प्रभावी साधन असल्याचे तज्ज्ञांचे मत आहे.
