‘देवगड ते पंढरपूर’साठी नेवासा आगाराची बससेवा सुरू….
‘देवगड ते पंढरपूर’साठी नेवासा आगाराची बससेवा सुरू….
नेवासा प्रतिनिधी- महाराष्ट्र 7न्यूज वृत्तसेवा
श्रीक्षेत्र नेवासा शहरासह तालुक्यातील सर्वसामान्य भाविक भक्तांसह वारकरी संप्रदायातील भाविकांना धार्मिक स्थळांना भेटी देण्यासाठी राज्य परिवहन महामंडळाने श्रीक्षेत्र देवगड ते श्रीक्षेत्र पंढरपूर अशी बससेवा करु करण्याची मागणी गेल्या अनेक दिवसांपासून भाविकांतून केली जात होती.
या मागणीची प्रत्यक्षात दखल घेत आ. विठ्ठलराव लंघे पाटील यांनी रविवार (दि.२२) रोजी ही एसटी बससेवा सुरु केली. श्रीक्षेत्र देवगड देवस्थानचे प्रमुख भास्करगिरीजी महाराज आणि आ. विठ्ठलराव लंघे पाटील यांच्या प्रमुख उपस्थितीत विधिवत पूजन केले. ही सेवा सुरु झाल्यामुळे वारकरी मंडळीतून आनंदोत्सव साजरा करण्यात येत आहे.
यावेळी मुरमेचे सरपंच अजय साबळे, नवनाथ साळुंके, संदीप साबळे, सुधीर चव्हाण यांच्यासह भाविक उपस्थित होते. नेवासा तालुक्यातील भाविकांना देवगड येथून पंढरपूर येथे विठूरायांच्या चरणी नतमस्तक होण्यासाठी हा मार्ग सुकर झाल्यामुळे आ.लंघे पाटील यांचे बससेवा सुरू केल्याने भाविक भक्तांतून मोठे कौतुक केले जात आहे.
