*जिल्हा बँकेत बिनविरोध निवडीनंतर माजी मंत्री शंकरराव गडाख यांचा सन्मान*
*दिघीचे माजी सरपंच संजय नागवडे यांच्यासह पदाधिकारी, सरपंच व सोसायटी पदाधिकाऱ्यांकडून शुभेच्छांचा वर्षाव*
*जिल्हा बँकेत बिनविरोध निवडीनंतर शंकरराव गडाख यांचा सन्मान*
*दिघीचे माजी सरपंच संजय नागवडे यांच्यासह पदाधिकारी, सरपंच व सोसायटी पदाधिकाऱ्यांकडून शुभेच्छांचा वर्षाव*
नेवासा तालुका प्रतिनिधी – महाराष्ट्र 7न्यूज नेटवर्क
अहिल्यानगर जिल्हा मध्यवर्ती सहकारी बँकेच्या निवडणुकीच्या पार्श्वभूमीवर नेवासा तालुक्यातील सोसायटी मतदारसंघातून माजी मंत्री शंकरराव गडाख यांची संचालकपदी बिनविरोध निवड झाली. या निवडीबद्दल दिघी गावचे माजी सरपंच तथा गडाख यांचे कट्टर समर्थक संजय नागवडे यांच्या वतीने शंकरराव गडाख यांचा सन्मान करून अभिनंदन करण्यात आले.
यावेळी संजय नागवडे यांनी शंकरराव गडाख यांना पुढील वाटचालीसाठी शुभेच्छा देत जिल्हा बँकेच्या माध्यमातून शेतकरी, सहकार क्षेत्र आणि सर्वसामान्यांच्या प्रश्नांना न्याय देण्यासाठी प्रभावीपणे काम करण्याची अपेक्षा व्यक्त केली.
संजय नागवडे हे शंकरराव गडाख यांच्या नेतृत्वावर विश्वास ठेवून सामाजिक व जनहिताच्या प्रश्नांमध्ये सातत्याने सक्रिय राहिले आहेत. दिघी ग्रामपंचायतीच्या सरपंचपदाच्या कार्यकाळात त्यांनी गावाच्या विकासासाठी विविध विकासकामांना प्राधान्य दिले. गडाख यांच्या नेतृत्वाखाली खांद्याला खांदा लावत त्यांनी शेतकरी आणि सर्वसामान्यांच्या प्रश्नांसाठी विविध आंदोलने व उपक्रमांमध्ये सहभाग घेतला आहे.
विशेषतः साखर कारखान्यांकडून थकीत ऊस बिलांचा प्रश्न असो किंवा शेतकऱ्यांच्या अन्य मागण्या, नागवडे यांनी रास्ता रोकोसह विविध आंदोलनांच्या माध्यमातून शेतकऱ्यांच्या प्रश्नांना सातत्याने वाचा फोडली आहे. त्यामुळे गडाख समर्थक कार्यकर्त्यांमध्ये त्यांची स्वतंत्र ओळख निर्माण झाली आहे.
दरम्यान, शंकरराव गडाख यांची जिल्हा सहकारी बँकेच्या संचालकपदी बिनविरोध निवड झाल्यानंतर त्यांच्या समर्थकांमध्ये उत्साहाचे वातावरण असून, तालुक्यातील विविध राजकीय पदाधिकारी, ग्रामपंचायतींचे सरपंच, सोसायट्यांचे पदाधिकारी तसेच कार्यकर्त्यांनी प्रत्यक्ष भेट घेऊन गडाख यांचे अभिनंदन केले आहे. जिल्हा बँकेतील ही बिनविरोध निवड गडाख यांच्या सहकार क्षेत्रातील नेतृत्वाला मिळालेली महत्त्वाची ताकद मानली जात असून, त्यांच्या पुढील भूमिकेकडे सहकार क्षेत्राचे लक्ष लागले आहे.
यावेळी उपस्थितांनी शंकरराव गडाख यांच्या नेतृत्वाखाली जिल्हा बँकेच्या माध्यमातून शेतकरी व सहकार क्षेत्राच्या प्रश्नांना अधिक प्रभावीपणे न्याय मिळेल, असा विश्वास व्यक्त केला.
